පතිනියකගේ හදගැස්ම (කන්නගී)

කෝවලන්....

ඔබ මගේම විතරක් වුණා නම්..

මට සිනාසෙන්නට තිබුණා..

මගෙම නොවුණත් මාධවීගේ නොවුණා නම්..

මට නොහඩා ඉන්නට තිබුණා..

මණිමේඛලාවන් මට පැළදුවා නම්

සිත හදාගන්නට තිබුණා..

පතිදමට අරුතක් ගෙනෙන්නට නම්

ඔබට මිය නොයා ඉන්නට තිබුණා..

පතිනි බලයෙන් රට  නෙදැව්වා නම්

මරණයෙන් ඔබ ඇහැරවන්නට තිබුණා..

සදකිදුරු පෙම් පුවත යළි යළි

ලියැවෙන්න ඉඩ තිබුණා..

කන්නගී හිමි කෝවලන්ට නම් 

දෛවයට හැම වළක්වන්නට තිබුණා..

දිව්‍ය සම්පත් නොලැබුණත් මට

වැන්දඹුවක් නොවී ඉන්නට තිබුණා..